DOBERA EUSKARA ELKARTEA
Dobera Euskara Elkartea Hernaniko
euskara elkartea dugu.
Dobera Hernaniko Euskara Elkartea da. 1993an sortu zen eta gaur egun 400 bazkide gara.
Zein helburu ditu Doberak?
Helburu nagusia Hernaniarren artean euskararen ezagutza eta erabilera areagotzea da eta azken finean hizkuntzaren egoera normalizatzea. 2005eko udazkenean gure ibilbidearen inguruan eta etorkizunerako hartu beharko lan ildoetaz gogoeta orokor bat egin genuen.
Zeintzuk dira Doberaren lan ildo nagusiak?
Gogoeta saioetan azaldutakoaren arabera lehentasunez heldu beharreko lanak hauek ditugu:
- Euskara elkarte bezala herriko normalkuntzan gure lekua zein den aztertzea.
- Bazkide eta herritarren partehartzea bultzatzea komunikazio plan indartsu baten bidez.
- Erabilera, Motibazioa eta Sentsibilizazioa areagotzeko egitasmoak aurrera ateratzea.
- Beste taldeekin batera elkarlanerako bideak aztertzen jarraitzea
- Hernaniko Kronika egunkaria indartzea eta beste hedabideak aztertzea.
- Kultur eskaintzan izan beharreko bilgune fisiko baten aukerak aztertzea.
Nork osatzen du Dobera?
Gaur egun 400 bazkide eta 100 bat laguntzailek osatzen dugu Dobera (horien artean herriko hainbat elkarte eta talde). Batzarra urtean behin egin ohi dugu, martxoa amaieran. Urteko egitasmo aurrera ateratzeko sei bat bazkidez osatutako zuzendaritza taldeak eta lan taldeetan biltzen diren hamar bat bazkidek aurrera ateratzen dugu. Guzti hori elkarteko dinamizatzaileari, Hernaniko Kronikako 6 kazetari eta publizistei, eta egitasmo desberdinetan parte hartzen duten lauzpabost begiraleri esker, noski.
Non gaude?
Larramendi kalea 11n gaude bai Dobera eta baita Kronika ere, elkarren ondoan dauden bi lokaletan. Bertan beti dago lekua bazkideentzat eta herritarrentzat gure egitasmoen antolaketan parte hartzeko edo hauekin loturiko lanen bat egiteko.
