Dobera Saria IV.

2008/05/16

Dobera Euskara Elkarteak, Hernaniko artisten sorku7ntza sustatu eta aitortzeko asmotan, eta artista horien lanak jendaurrean zabaltzeko bideak egitearren, ARTELANEN LEHIAKETA  antolatu du Dobera Sariaren IV. Edizioan.

Erantsitako dokumetuetan azaltzen dira oinarriak eta izen-emate fitxa.

Institutuan teknologia berriak eta euskara lotzen dituen ikastaroa

2008/05/15

Teknologia berriak gazteak erakartzen dituela ikusita, Doberak eta institutuak elkarlanean apirilean ikastaro bat antolatu zuten, aukera informatiko berriak erakusteaz gain, gogoko duten ekintza bat euskaraz eskaintzeko.

Hiru taldek egin zuten ikastaroa, eta talde bakoitzak lau saio egin zituen. Ikastaroan, besteak beste, blogak kudeatzen, blogetan argazkiak eta bideoak sartzen, wikipedian informazioa sartzen, euskarazko aplikazioak (euskaltube, zabaldu.com...) ikasi zituzten.

Ikasleek sortu zituzten blogak ikusteko moduan  daude webgune honetako blogen atalean, euskara hutsean.

Blog ikastaroa

2008/03/14

Blog ikastaro bat antolatu du Doberak martxoan bazkide diren talde eta elkarteentzat. Partehartzea handia izan da, eta era guztietako taldeak hurbildu dira. Lau saio egin dira guztira Biteriko Kazetagunean eta blogak webgune honetako blog komunitatean daude ikusgai.

Loturak sendotzeko

Dobera euskara elkarteak egitasmoa bazkideen eta Doberaren arteko komunikazioa, elkarteen arteko komunikazioa eta herritar eta taldeen arteko komunikazioa sendotzeko asmoz sotu du. Hori dela eta, Doberak Hernaniko taldeak beraien bloga sortzera animatu ditu eta horrekin batera blogak dituen aukerak erakusteko ikastaroa antolatu du.

-Hamaika batuaz- taldea martxan

2008/01/21

2007-08 ikasturteko Hamaika batuaz egitasmoa martxan da eta Inmaculada eta Elizatxoko Lehen Hezkuntzako ikasle batzuek hartzen dute parte . Ikasle etorkinentzat ez ezik, euskararekin egunerokoan harreman handirik ez duten ikasleentzat sortutako egitasmoa da honakoa. Bertan jolasak, tailerrak egiten dituzte, eta euskaraz gozatzeko aukera izaten dute. Astelehenetan elkartzen dira, Biterin.

Gure artean Euskaraz egitasmoan izen emateko aukera

2008/01/21

Gure artean euskaraz egitasmoko mintzakideak azaroan hasi baziren ere, urtarrilean ere nahi duenak badu talderen batean sartzeko aukera. Gure artean euskaraz euskaraz hitz egiteko zailtasunak gainditzen joateko egitasmo aproposa da, astean behin edo bitan talde batekin elkartu eta mingainari eragitea da egin beharreko lan guztia. Beraz, animatu eta azaldu edo deitu Doberara!!!